“Hermes Finance” ASC 2025-ci ilin yanvar-iyun aylarını 363 min manat xalis mənfəətlə başa vurub. Bu göstərici əvvəlki illə müqayisədə 10 dəfə çoxdur. 2024-cü ilin eyni dövründə şirkətin xalis mənfəəti 36 min manat təşkil etmişdi.
Banker.az bunu lizinq şirkətinin yarım illik hesabatına istinadən xəbər verir.
“Hermes Finance”ın faiz gəlirləri 2024-cü ilin 6 ayında 2 milyon 340 min manat ikən, bu ilin 6 ayında 1 milyon 582 min manat təşkil edib (32% azalıb).
Hesabat dövründə “Hermes Finance”ın cəmi aktivləri 39% azalaraq 17 milyon 420 min manata geriləyib.
30 iyun 2025-ci il tarixində 900 min manat nizamnamə kapitalına malik olmuş “Hermes Finance” ASC-nin səhmdarları Quliyev Kamran (45%), Mehrəliyeva-Rzayeva Nuranə (45%) və Mirzəyev Həmid (10%) olub.
