Amerikanın iqtisadi icmalçısı Lourens Kadlou ABŞ prezidenti Donald Trumpın iqtisadi məsələlər üzrə məsləhətçisi olmağa razılıq verib. Qeyd edək ki, Qari Konun istefasından sonra bu vəzifə vakant idi.
Yetmiş yaşlı Kadlou CNBC kanalında xəbərlər proqramının aparıcısı olub. O tez-tez özünün iqtisadiyyat yönümlü analitik verilişləri ilə çoxunun yaddaşında qalmışdır. 2016-cı ilin seçki kampaniyası zamanı o Trampın vergi siyasəti üzrə məsləhətçisi olmuşdur.