“Müasir dövrün rəqəmsallaşma çağırışlarına cavab olaraq Azərbaycan Mərkəzi Bankı da dünyada rəqəmsal valyutanın tətbiqi üzrə layihələrin icrasını, aparılan tədqiqatları, bu mövzuda müzakirə və diskussiyaları diqqətdə saxlayır. Dünyanın aparıcı mərkəzi bankları kimi rəqəmsal valyutanın qlobal iqtisadiyyatın rəqəmsal transformasiyasına təsiri istiqamətində araşdırmalar davam etdirilir”.
Bbanker.az xəbər verir ki, bunu Azərbaycan Mərkəzi Bankının Ödəniş sistemləri və hesablaşmalar departamentinin direktoru Kəmalə Qurbanova “vergiler.az”a müsahibəsində deyib.
O qeyd edib ki, hazırda Beynəlxalq Valyuta Fondunun ekspertləri ilə rəqəmsal valyutanın yarada biləcəyi təhdidlər və imkanlar öyrənilir, daxili bazarın hazırlıq səviyyəsinin təhlili aparılır, rəqəmsal valyutaya zərurət qiymətləndirilir.
