15 C
Baku
Friday, March 29, 2024

Mərkəzi bankların ekspertləri növbəti 25 ildə dolların “hökmranlıq” edəcəyini proqnozlaşdırırlar

Dünyadakı əksər mərkəzi banklar dolların növbəti 25 ildə “hökmranlıq” edəcəyini proqnozlaşdırırlar.

Banker.az xəbər verir ki, bu haqda “UBS Asset Management” tərəfindən sorğulanan bank mütəxəssisləri məlumat veriblər.

İdarəçilərin 66%-i dolların növbəti 25 ildə əsas ehtiyat valyutası olaraq qalacağına inanır. Beynəlxalq Valyuta Fondunun verdiyi məlumata görə, ikinci rübdə ABŞ valyutası mərkəzi bankların valyuta ehtiyatlarının 61%-dən çoxunu təşkil etmişdir. Ehtiyatların ümumi həcmi 11,7 trilyon dollardır, Bloomberg yazır.

“Qlobal ehtiyatlarda dolların dominantlığı (son 25 ildə ortalama pay 60%-dən çox olub) valyuta ehtiyatlarının idarə edilməsinin əsas xüsusiyyətlərindən biri olub”, – deyə USB analitikləri olan Massimiliano Kastelli və Filip Salman qeyd edirlər.

Eyni zamanda, ehtiyatların strukturunda Çin yuanı da yer alacaqdır. Belə ki, araşdırmanın nəticələrinə görə, respondentlərin 38%-i 25 ildən sonra yuanın dollar və ya avro kimi vacib valyutaya çevriləcəyini söyləyib. BVF-nun fikrincə, bu ilin ikinci rübündə avro ümumi ehtiyatların 20%-dən çox olan hissəsini təşkil edib.

 

 

Son xəbərlər
Digər xəbərlər