Azərbaycanda yerli istehsal olan duru yağlar bahalaşmağa başlayıb.
Bu barədə Banker.az-ın bazardakı mənbələrdən əldə etdiyi məlumatda qeyd edilir.
Belə ki, supermarketlərdə satılan 1 litrlik “Final” qarğıdalı yağının qiyməti 6.37 manatdan 7.77 manata qalxıb. Bu da sentyabrda 22 faiz bahalaşmadır.
Şüşə qablaşmada olan “Zeytun Bağları” zeytun yağının bir litri 11.19 manatdan 12.29 manata qədər bahalaşıb. Bu da 10% bahalaşma deməkdir.
Kərə ləzzətli “Möcüzə” yağının 2 litrinin qiyməti isə 14.49 manatdan 16.90 manata qədər bahalaşıb.
