Fevralın 4-ü “McDonald’s” şirkəti ABŞ Patent və Ticarət Nişanları İdarəsinə on yeni ticarət nişanını qeydiyyatdan keçirmək, o cümlədən “McCafe” virtual restoranı açmaq üçün müraciət göndərib.
Banker.az xəbər verir ki, “Metakainatda əylənirsən və acırsan. Belə restoranlarda qulaqcıqlarınızı çıxarıb restorana getməyə ehtiyac yoxdur. Siz virtual “McDonald’s”a daxil olursunuz və sifarişinizi verirsiniz. O, tezliklə qapınıza çatdırılacaq”, – deyə mesajda bildirilir.
Hüquqşünasların fikrincə, ABŞ Patent və Ticarət Nişanları İdarəsi, çox güman ki, ticarət nişanlarını təsdiq edəcək. Lakin bu proses orta hesabla 8-9 ay davam edəcək.
