“Meqa Sığorta” ASC-nin xalis mənfəəti 458,5 min manat təşkil edib. Bu göstərici ötən ilin müvafiq dövrü ilə müqayisədə 64% azalıb. Halbuki, 2025-ci ilin eyni dövründə bu göstərici 1,3 milyon manat təşkil edib.
Banker.az bunu şirkətin 2026-cı il iyunun 30-na olan maliyyə hesabatına əsasən xəbər verir.
Hesabat dövründə şirkətin ümumi gəlirləri 17 milyon manat, ümumi xərcləri isə 16,4 milyon manat təşkil edib. Gəlirlər ötən ilin eyni dövrü ilə (16,1 milyon manat) müqayisədə 6% artıb, xərclər isə ötən ilin eyni dövrü ilə (14,5 milyon manat) müqayisədə 13% artıb.
Hesabat dövründə ümumi sığorta ödənişləri 8,6 milyon manat təşkil edib, bu, ötən ilin eyni dövrü ilə (7,8 milyon manat) müqayisədə 9% artıb. Ümumi zərərlilik dərəcəsi 96,21% olub, ötən ilin eyni dövründə isə bu göstərici 93,02% təşkil edib. Mülki məsuliyyətin sığortasına aid əsas sığorta sinifləri üzrə sığorta ödənişləri 154,1 min manat (3%) azalıb. Digər sığorta sinifləri üzrə zərərlilik dərəcəsi isə 43,83 faiz bəndi azalıb.
Hesabat dövründə “Meqa Sığorta”nın investisiya portfeli 45,2 milyon manat təşkil edib, bu, ötən ilin eyni dövrü ilə (42,6 milyon manat) müqayisədə 6% artıb. Portfelin tərkibində istiqrazlar 9,4 milyon manat (58% azalıb), səhmlər 15,8 milyon manat (14% artıb), depozitlər isə 19,9 milyon manat (209% artıb) təşkil edib. İnvestisiyalardan əldə olunan gəlir 1,3 milyon manat olub, bu göstərici ötən ilin eyni dövrü ilə (1,1 milyon manat) müqayisədə 20% artıb.
