25 yanvar 2018-ci il tarixində Bakı Fond Birjasında (BFB) “MET-AK”MMC-nin faizli, sənədsiz, adlı, təmin edilməmiş istiqrazlarının yerləşdirilməsi üzrə hərrac keçiriləcəkdir. Bu barədə Banker.az-a BFB-dən məlumat daxil olub.
Hərrac zamanı sifarişlərin toplanması BFB-nin ticarət reqlamentinə uyğun olaraq saat 11:00-dan 12:30-dək təşkil olunacaq.
İstiqrazların buraxılış parametrləri barədə məlumat aşağıdakı cədvəldə verilmişdir :
| Qiymətli kağızın ISIN kodu | AZ2001020273 |
| Emissiya həcmi | 2 000 000 AZN |
| Nominal qiyməti | 1000 AZN |
| Hərrac qiyməti | 1000 AZN |
| İstiqrazların tədavül müddəti | 1 il (365 gün) |
| Faiz dərəcəsi (illik) | 14 % |
| Faiz gəlirinin ödəniş müddəti | 3 aydan bir (90 gün) |
| Anderrayter | AzFinance İŞ QSC |
Emissiya prospektinə əsasən, tələb təklifdən çox olduğu halda eyni qiymətlə təqdim edilən sifarişlər mütənasib qaydada təmin ediləcəkdir. Əlavə olaraq, İstiqrazların Emitent tərəfindən qanunvericiliyin tələblərinə uyğun şəkildə, istiqrazları ilkin yerləşdirmədə əldə etmiş investorlar tərəfindən 6 aydan sonra geri satın alınması imkanı nəzərdə tutulmuşdur.
Metak istiqrazlarının emissiya prospekti BFB-nin internet saytının “Emitentlər” bölməsində yerləşdirilmişdir.
Qeyd edək ki, Metak istiqrazları BFB-nin Listinq Məsləhət Proqramı çərçivəsində listinqə alınmışdır.
BFB-də ticarətdə iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” bölməsində yerləşdirilib.
