Milli Məclis Azərbaycanda moped idarə etmək üçün sürücülük vəsiqəsinin tələbi ilə bağlı “Yol hərəkəti haqqında” qanuna təklif edilən dəyişiklikləri üçüncü oxunuşda qəbul edib.
Qanuna təklif edilən dəyişikliyə əsasən konstruktiv maksimal sürəti 50 km/saatdan artıq olan bütün nəqliyyat vasitələrinin dövlət qeydiyyat nişanı ilə təmin edilməsi və sürəti 50 km/saatdan çox olan mopedçilərin sürücülük vəsiqəsi alması təklif edilmişdi.
Hazırda moped sürücülərinin sayının minlərlə olduğunu nəzərə alaraq, qanunun 6 ay sonra qüvvəyə minməsi təklif edilir.
