Moskvada iyunun 9-dan etibarən özünü təcridetmə rejimi, o cümlədən çölə çıxmaq üçün elektron qaydada icazə almaq sistemi ləğv edilir.
Banker.az xəbər verir ki, bu barədə şəhər meri Sergey Sobyanin öz bloqunda bildirib.
O qeyd edir ki, tətbiq olunan tədbirlər “pandemiyanın qarşısını ala bilib, kütləvi sınaqların keçirilməsini və xəstələrə tibbi yardımın göstərilməsini təmin edib”.
“Artıq bir neçə həftədir ki, yavaş-yavaş pandemiya azalmağa doğru gedir. Faktiki olaraq, Moskva əvvəlki həyat ritminə qayıdır. Bütün əsas məhdudiyyətlər – epidemioloji təhlükəsizliyi qorumaq şərti ilə və sanitariya tədbirləri nəzərə alınmaqla – iyunda aradan qaldırılacaq”, – mer söyləyib.
