Vətən müharibəsi iştirakçılarına “Müharibə veteranı” adının verilməsi ilə bağlı müvafiq Sərəncam imzalanıb. Siyahı həmin şəxslərin qulluq keçdiyi qurumlar tərəfindən müəyyən olunur və Nazirlər Kabineti ilə razılaşdırılır.
Bu barədə əmək və əhalinin sosial müdafiəsi nazirinin müavini Anar Əliyev bildirib.
O qeyd edib ki, yaxın vaxtlarda bu məsələ öz həllini tapacaq: “Proses davam edir, siyahılar hazırlanır. Zəfər altsistemi artıq aktivləşdirilib və istifadəyə verilib. Zəfər alt sistemində olan şəxslər özləri ilə bağlı məlumatlarla həmin altsistemdə tanış ola bilərlər”.
