Azərbaycan Respublikasının Əmək və Əhalinin Sosial Müdafiəsi Nazirliyi “Azərmaş Group” MMC ilə 2.5 milyon manatlıq müqavilə bağladı.
Banker.az xəbər verir ki, müqavilədə 206 ədəd minik Avtomobillərin satın alınması nəzərdə tutulur.
Müqavilənin ümumi məbləği isə 2 512 170 manatdır.
Qeyd edək ki, “Azərmaş Group” MMC 2019-cu ildə dövlət qeydiyyatına alınıb. Bu şirkətin nizamnamə kapitalı 10 manatdır və qanuni təmsilçisi Rövşən Adıgözəlovdur.
Onu da bildirək ki, “Azərmaş Group” “Khazar” avtomobillərinin istehsalçısıdır.
