Azərbaycanda 10 ali təhsil müəssisəsi üzrə akkreditasiya qiymətləndirməsinin yeni tədris ilində keçirilməsi nəzərdə tutulur.
Bunu elm və təhsil naziri Emin Əmrullayev yeni tədris ili ilə bağlı media üçün keçirdiyi brifinqdə söyləyib. Nazir qeyd edib ki, həmin müəssisələr Bakı Mühəndislik Universiteti, ADA Universiteti, Tibb Universiteti, Naxçıvan Dövlət Universiteti, Azərbaycan Dövlət Neft və Sənaye Universiteti, Gəncə Dövlət Universitet, Qərbi Kaspi, Bakı Biznes universitetləri, Azərbaycan Turizm və Menecment Universiteti, Azərbaycan Dövlət Mədəniyyət və İncəsənət Universitetidir.
