Azərbaycan Dövlət Neft Fondu (ARDNF) Azəri-Çıraq-Günəşli (AÇQ) yataqlar bloku və “Şahdəniz” qaz kondensat yatağından 2016-cı ilin avqustun 1-nə əldə edilən gəlirlərini açıqlayıb.
ARDNF-dən APA-ya verilən məlumata görə, bu ilin 7 ayında AÇQ yataqları üzrə fond 2 770 mln. ABŞ dolları, “Şahdəniz” yatağı üzrə isə 64 mln. ABŞ dolları həcmində gəlir əldə edib.
Ümumiyyətlə, 2001-ci ildən etibarən 01.08.2016 tarixinə qədər AÇQ yataqlar bloku üzrə 119,779 mlrd. ABŞ dolları, “Şahdəniz” yatağı üzrə isə 2,506 mlrd. ABŞ dolları həcmində gəlir əldə olunub.
