Azərbaycanın 2019-cı ilin yanvar ayında xarici ticarətin həcmi 1 milyard 279,64 mln. manat təşkil edib.
Banker.az bu barədə Dövlət Gömrük Komitəsinə istinadən xəbər verir.
Məlumata görə, ixracda xam neftin payı 79,56% təşkil edib ki, bu da ötən ilin analoji dövrü ilə müqayisədə payın azalması deməkdir. Belə ki, ötən ilin yanvarında xam neft məhsullarının ixracda payı 84,22% təşkil edirdi. Buna baxmayaraq bu il xam neft məhsullarının həcmi 1 mlrd. mantdan çox olub – bu ötən ilin eyni dövründə 874,82 mln. manat təşkil etmişdi.
Digər bir məqam isə ötən ilin müvafiq dövrü ilə müqayisədə təbii qaz bu il ixracda payının 7,92%-ə (101,39 mln. manat) qədər artması olub. Bildirək ki, təbii qazın ixracda payı ötən ilin müvafiq dövründə 2,19% idi.
Ümumilikdə isə neft-qaz məhsullarının xarici ticarətdə payı bu ilin yanvarında 89.04% təşkil edib ki, bu da ötən ilki 87.94% rəqəminədən çox olması deməkdir.
