Nyu-Yorkda COVID-19 əleyhinə peyvənd olunmayanların məvacibləri verilməyəcək.
Bunu şəhər meri Bill de Blasio mətbuat konfransı zamanı bəyan edib.
Onun sözlərinə görə, qərar noyabrın 1-dən etibarən qüvvəyə minəcək və 300 minə yaxın bələdiyyə işçisini əhatə edəcək.
Bununla yanaşı, peyvənd olunan əməkdaşların aylıq məvaciblərinə 500 dollar əlavə olunacaq.
Qeyd edək ki, indiyədək vaksinasiyadan imtina edən şəhər bələdiyyəsi işçiləri həftədə bir dəfə COVID testi verməklə kifayətlənirdilər.
