Bu ilin mart ayında Azərbaycan vətəndaşları Türkiyədə 95 mənzil alıb.
Bu, ötən ilin eyni dövrü ilə müqayisədə 8 mənzil və yaxud 9,19% çoxdur.
Bu ilin yanvar-mart aylarında isə azərbaycanlılar Türkiyədə 284 mənzil alıb. Bu isə 1 il əvvələ nisbətən 3 mənzil və yaxud 1,04% azdır.
Ümumilikdə martda xarici vətəndaşlar Türkiyədə 3 075 mənzil alıb ki, bu da illik müqayisədə 85 mənzil və yaxud 2,69% azdır.
Bu rəqəm yanvar-mart aylarında isə 11 068 mənzil təşkil edib ki, bu da 1 il əvvələ nisbətən 1 351 mənzil və yaxud 13,9% çoxdur.
2020-ci ildə Türkiyədə ən çox mənzil alan xaricilər İran vətəndaşları olub. Bu ölkədən olanlar martda 465, yanvar-martda isə 1 864 mənzil əldə edib.
Növbəti yerdə İraq vətəndaşları qərarlaşıb. Bu ölkədən olanlar mart ayında 426, yanvar-martda isə 1 856 mənzil alıb.
İlk 3-lüyü Rusiya vətəndaşları tamamlayır. Bu ölkədən olan mart ayında 227 mənzilə, yanvar-martda isə 763 mənzilə sahib olub.
©Report
