®PAŞA Bank 2 sentyabr 2026-cı il tarixindən etibarən yeni biznes hesabı açan sahibkarlar üçün “Xoş gəldin” tarif paketlərini istifadəyə verib. Paketlər sərfəli tariflər və yüksək dövriyyə limitləri təklif edir.
Müştərilər dövriyyə həcmi və biznes ehtiyaclarına uyğun olaraq üç paketdən birini seçə bilərlər. Paketlərin aylıq qiyməti müvafiq olaraq 25, 85 və 165 manatdır. Paketlərə ölkədaxili və beynəlxalq köçürmələr, əməkhaqqı ödənişləri, valyuta mübadiləsi, hesaba mədaxil və hesabdan məxaric əməliyyatları üzrə xüsusi tariflər daxildir. Sahibkarlar, həmçinin bankın seçilmiş ödənişli məhsul və xidmətlərindən pulsuz istifadə edə bilərlər.
Paketlərin əlavə üstünlükləri sırasında satış, biznesin idarə edilməsi, strategiya, insan resursları, vergi, mühasibatlıq və maliyyə sahələri üzrə ödənişsiz konsultasiyalar, eləcə də tərəfdaş şirkətlərin təqdim etdiyi 30 %-dək endirimlər yer alır.
Yeni biznes hesabı açan sahibkarlar hesabın açıldığı tarixdən etibarən 6 ay ərzində paketlərdən birini seçə bilərlər. Seçilmiş paket aylıq əsasda təqdim olunur və hər ay avtomatik yenilənir.
Yeni tarif paketləri sahibkarların bank xərclərini optimallaşdırmaq və bizneslərinin inkişafı üçün ehtiyac duyduqları xidmətləri bir paket daxilində təqdim etməyi hədəfləyir. Tarif paketləri haqqında ətraflı məlumat almaq və sifariş etmək üçün linkə keçid edin.
Qeyd edək ki, PAŞA Bank sahibkarların real ehtiyaclarına uyğun məhsul və xidmət portfelini inkişaf etdirməyə davam edir. Bank korporativ, kiçik və orta bizneslər üçün investisiya bankçılığı, ticarətin maliyyələşdirilməsi və aktivlərin idarə olunması istiqamətlərində geniş xidmət portfeli təqdim edir. PAŞA Bank International Investor Magazine tərəfindən 2026-cı il üzrə “Azərbaycanın ən yaxşı bankı” və “Azərbaycanın ən yaxşı KOS bankı” seçilib. Bank son illərdə Euromoney, Global Finance və Stevie Awards tərəfindən də bir sıra nüfuzlu beynəlxalq mükafatlara layiq görülüb.
