Azərbaycanda sabiq Xarici İşlər naziri kimi çalışmış Tofiq Zülfiqarov Azərbaycan və Ermənistan arasında humanitar məqsəd üçün nəzərdə tutulan atəşkəsdən sonra baş verənləri nəzərə alaraq şərh verib.
Şərhində Zülfiqarov deyir:
1) Ermənilərə atəşkəs lazım deyil, əks təqdirdə, onlar eskalasiya yolunu, hətta iddia etdikləri kimi, “cavab zərbələri” yolunu seçməzdilər;
2) Atəşkəs Rusiyaya lazım deyil, çünki Moskva öz məqsədinə nail olmayıb: yekun məqsəd erməni cəmiyyətində “Ermənistanın sağ qalması” üçün Rusiyadan başqa alternativin olmaması hissini və bununla da Paşinyan rejimini devirmək üçün zəmin yaratmaqdır;
3) Razılaşma mətninə “nizamlamanın əsas prinsiplərinə sadiqlik” məsələsini dürtməsinə baxmayaraq, “Lavrovun 10 saatlıq marafonu” sadəcə, coşğun fəaliyyətin imitasiyası idi. Bu o deməkdir ki, “it qovan kimi…” tezisinə cavab olaraq o, erməniləri işğal olunmuş ərazilərdə ən azı “maraqlı tərəf” qismində görmək istəyir.
4) Yuxarıda deyilənləri nəzərə alaraq, sənədin 3-cü və 4-cü müddəaları lazımsız və Prezidentin mövqeyinə zidd idi. Bu mövqe aşağıədakı kimidir: “…bizim vətəndaşlığımızı qəbul etmiş ermənilərə işğal olunmuş ərazilərdə Azərbaycanın digər vətəndaşlarının hüquqları səviyyəsində hüquqlar veriləcək (“arsax Ermənistandır və nöqtə” deyiminə cavabında muxtariyyət yoxdur);
5) XİN və Prezidentin köməkçisinin sənədin 3-cü və 4-cü müddəalarını qəribə şəkildə tərifləmələri səhv idi, xüsusilə o kontekstdə ki, 1-ci və 2-ci müddəalar (atəşkəsin əldə olunması) pozulub;
6) Ermənilər əmin oldular ki, Rusiya onların köməyinə gəlməyəcək və cavab reaksiya doğurmaq üçün indi Ermənistan ərazisindən bizim şəhərləri atəşə tutacaqlar;
7) Rusiya anlayır ki, Ermənistana hərbi güclə yardım edərsə, birbaşa Türkiyə ilə toqquşacaq.
8) Paşinyanın məqsədi – Türkiyə və Rusiyanı toqquşdurmaqdır.
