Azərbaycan Prezidenti İlham Əliyev bazar ertəsi Gürcüstan və Serbiya Respublikasında, Monteneqroda və Bosniya və Herseqovinada fövqəladə və səlahiyyətli səfirlərini gerin çağırıb.
Banker.az bu barədə Prezidentin rəsmi səhifəsinə istinad edir.
“Eldar Hümbət oğlu Həsənov iqamətgahı Belqrad şəhərində olmaqla Azərbaycan Respublikasının Serbiya Respublikasında, Monteneqroda və Bosniya və Herseqovinada fövqəladə və səlahiyyətli səfiri vəzifələrindən geri çağırılsın”- deyə, Prezidentin sərəncamında deyilir.
Digər sərəncamla Dursun Ayvaz oğlu Həsənov Azərbaycan Respublikasının Gürcüstanda fövqəladə və səlahiyyətli səfiri vəzifəsindən geri çağırılıb.
