Rusiya Prezidenti Vladimir Putin növbəti prezident seçkilərində namizəd olub-olmayacağına aydınlıq gətirməyib.
Vladivostokda keçirilən Şərq İqtisadiyyat Forumunun plenar iclasında moderator “Növbəti prezident seçkilərinə 6 ay müddət qalıb, namizədliyinizi irəli sürməyi düşünürsünüzmü?“ sualına Putin belə cavab verib:
“Bizin qanunvericiliyimizə görə, prezident seçkilərinin keçirilməsi barədə qərarı parlament ilin sonunda qəbul etməlidir. Qərar qəbul ediləndə, seçkilər və onun tarixi elan olunanda bu barədə danışarıq”, – deyə Putin bildirib.
