Anar Məmmədova məxsus şirkətin lisenziyasının dayandırılmasının səbəblərinə aydınlıq gətirilməyib.
Qiymətli Kağızlar üzrə Dövlət Komitəsi (QKDK) tərəfindən “Qarant İnvest” MMC-nin lisenziya fəaliyyəti dayandırılıb. Komitədən verilən məlumata görə, Qiymətli Kağızlar üzrə Dövlət Komitəsi tərəfindən “Qarant İnvest” Məhdud Məsuliyyətli Cəmiyyətinə broker fəaliyyəti üçün verilmiş lisenziya bu il sentyabrın 16-da dayandırılıb.
Qeyd edək ki, bununla da qiymətli kağızlar bazarında 13 broker fəaliyyəti, 13 diler fəaliyyəti və 2 qiymətli kağız sahiblərinin reyestrinin aparılması, 3 depozitar, 1 fond birjası, 2 klirinq və aktivlərin idarə olunması üzrə 2 təşkilatın xüsusi razılıqları (lisenziyalar) qüvvədədir.
“Qarant İnvest” 2011-ci ildə yaradılıb. MMC “Qarant Holdinq”ə daxil olan “Qarant Sığorta”nın törəmə müəssisəsi kimi fəaliyyət göstərib. Qeyd edək ki, “Qarant invest” nəqliyyat naziri ziya Məmmədovun oğlu Anar Məmmədova məxsusdur.
