Qazaxıstan Milli Bankının sədri Qalımcan Pirmatov vəzifəsindən uzaqlaşdırılıb.
Bu barədə ölkənin Prezidenti Kasım-Jomart Tokayev müvafiq sərəncam imzalayıb.
“Dövlət başçısının sərəncamı ilə Qalımjan Olja oğlu Pirmatov Qazaxıstan Respublikası Milli Bankının sədri vəzifəsindən azad edilib”, – sənəddə nəql olunub.
Eyni zamanda, Senat Milli Bankın rəhbəri vəzifəsinə Timur Süleymenovun namizədliyini təsdiqləyib. Timur Süleymenovun namizədliyi Prezident tərəfindən təqdim edilib. Senatorlar açıq səsvermə üsulundan istifadə ediblər. Deputatlar Timur Süleymenovun namizədliyini təsdiqləyiblər.
Qeyd edək ki, Pirmatov 2022-ci ilin fevralın 3-dən ölkənin baş bankiri olub.
