Azərbaycanda rəqəmsal manat layihəsinin icrasının “Private Blockchain” üzərindən həyata keçirilməsi nəzərdə tutulur.
Bunu “Azərbaycanda fintex ekosistemi – bu gün və sabah” tədbirində çıxış edərkən Blokçeyn Azərbaycan Mərkəzinin (BAM) üzvü Telman Axundov deyib.
Onun sözlərinə görə, bu kölgə iqtisadiyyatı ilə mübarizədə effektiv həll olacaq.
“Burada tranzaksiyaları izləmək olur, onlara müdaxilə etmək mümkün deyil. Bu, həmçinin də təhlükəsizdir”, – deyə Telman Axundov qeyd edib.
