Fransanın avtomobil istehsalçısı “Renault” Almaniyanın “Daimler” avtomobil konsernindəki 1,54%-lik payını təxminən 1,143 milyard avroya satıb.
“Prime” xəbər verir ki, bu barədə Fransa şirkətinin açıqlamasında deyilir.
Qeyd olunub ki, 16 448 378 səhm ədədi 69,5 avrodan satılıb.
“Renault” ilə “Daimler” arasındakı sənaye tərəfdaşlığı dəyişməz olaraq qalır və bu maliyyə razılaşması ona təsir etməyəcək”, – şirkətdən bildiriblər.
Satışdan əldə edilən gəlir “Renault”ya avtomobil sənayesindəki fəaliyyətində borc vəsaitlərinin azaldılmasını sürətləndirməyə imkan verəcək.
