Avropa İttifaqının (Aİ) missiyası Azərbaycan-Ermənistan arasında inamı gücləndirmək üçün vacib addımdır.
Bu barədə Rumıniyanın xarici işlər naziri Boqdan Auresku jurnalistlərə deyib.
“Mən Azərbaycan-Ermənistan sərhədinə yerləşdirilməsi müzakirə olunacaq monitorinq missiyası barədə bir neçə söz demək istərdim. Bu tərəflər arasında inamı gücləndirmək üçün irəliyə doğru çox vacib bir addımdır. Vurğulamaq istəyirəm ki, mən 2021-ci ilin iyununda Avstriya və Litvadan olan həmkarlarımla Cənubi Qafqaza səfər edərkən bunu təklif etmişdik”, – Rumıniya XİN rəhbəri xatırladıb.
