Rusiyada koronavirusla bağlı tətbiq edilən karantin zamanı 15 milyona yaxın ölkə vətəndaşı işə çıxmayıb, onlardan 680 min nəfəri və ya 4,5% -i ixtisara salınıb.
Bunu ölkənin iqtisadi inkişaf naziri Maksim Reşetnikov əmək bazarındakı vəziyyətə dair hökumət iclasında çıxışı zamanı deyib.
O, həmçinin qeyd edib ki, aprelin 1-dən etibarən məşğulluq xidmətləri tərəfindən 2 milyondan çox işsiz qeydiyyata alınıb, onların üçdə biri ixtisar olunan işçilərdir.
