Rusiyanın iqtisadi inkişad naziri Maksim Oreşkin “Business FM”ə müsahibəsində deyib ki, dolları satmaq və rubl almaq vaxtı çatıb.
Onun fikrincə, ortamüddətli perspektivdə Rusiyanın milli valyutasının kursu 1 dollara nisbətən 63-64 rubl səviyyəsində stabilləşəcək.
Sentyabrın 10-nun göstəricilərinə görə, 1 dollar 70 rubla bərabərdir.
“Biz yayın əvvəlində proqnozumuzu açıqlamışdıq, avqustun əvvəli və sentyabrın əvvəlində büdcə proseslərinə görə proqnozlarımız yenilənib. Biz yalnız yaxın 6-12 ay üçün dinamikanı dəyişmişik”, – Oreşkin qeyd edib.
Onun sözlərinə görə, “qorxduğun zaman yalnız almaq lazımdır”.
İqtisadi Inkişaf Nazirliyi makroiqtisadi tarazlığa doğru tədricən qaytarılmanı proqnozlaşdırır.
