15 C
Baku
Friday, March 29, 2024

Rusiyanın 100 ən nüfuz şəxsi açıqlandı: İkinci yerdə bankirdir

“Forbes” jurnalı Rusiyanın ən nüfuzlu adamlarının ilk reytinqini tərtib edib. Reytinqi tərtib edənlər məmurları, güc strukturlarının nümayəndələrini, siyasətçiləri və biznesmenləri bir neçə parametr üzrə qiymətləndiriblər. Bu parametlər arasında Rusiya prezidentinə yaxınlıq dərəcəsi və insanların həyatına təsir imkanları, var-dövlətin həcmi, aktivlərin həcmi (bankirlərin), idarəçiliyində olan büdcə (məmurların) də var.

Image result for German Gref putin
German Gref

Rusiya mətbuatına istinadən, reytinq siyahısında 100 adam var. Siyahıya avtomatik olaraq dünyanın ikinci ən nüfuzlu adamı elan edilmiş Vladimir Putin başçılıq edir. Onun ardınca “Sberbank” idarə heyətinin sədri German Gref, daha sonra “Qazprom” rəhbəri Aleksey Miller, “Rosneft”in başçısı İqor Seçin gəlir. Maraqlıdır ki, Rusiyanın baş naziri Dmirti Medvedyev siyahıda 5-ci yerdə qərarlaşıb. Ondan sonrakı yeri “Surqutneftqaz”ın rəhbəri Vladimir Boqdanov tutur – o, Rusiya Mərkəzi Bankının sədri Elvira Nabiullinadan və FTB rəhbəri Aleksandr Bortnikovdan (müvafiq olaraq 7 və 8-ci yerlər)daha nüfuzlu şəxs hesab olunub.

Siyahıda 9-cu yeri Rusiya Dəmir Yollarının rəhbəri Oleq Belozerov tutub. Azərbaycan əsilli biznesmen Vahid Ələkbərovu isə “Forbes” Rusiyanın 10-cu nüfuzlu şəxsi hesab edir.

Moskva meri Sergey Sobyanin reytinqin 13-cü, maliyyə naziri Anton Siluanov 16-cı, xarici işlər naziri Sergey Lavrov 21-ci pilləsinə layiq görülüb.

Siyahıda 99-cu yeri Konstitusiya Məhkəməsinin sədri Valeri Zorkin, sonuncu yeri isə Vladimir Jirinovski tutur.
Ən nüfuzlu rusiyalıları reytinq tərtibatçıları arasında 200 ən varlı biznesmenin, 300 ən iri şirkət və sistem əhəmiyyətli bankın rəhbərinin, parlamentin hər iki palatasının sədrinin, regional hakimiyyət başçılarının, güc strukturları rəhbərlərinin olduğu 1500 nəfərlik siyahıdan seçiblər.

– Musavat.com

Son xəbərlər
Digər xəbərlər