16 C
Baku
Thursday, March 28, 2024

Sığorta bazarına kimlər nəzarət edir?

Hazırda Azərbaycanda 21 sığorta şirkəti fəaliyyət göstərir. Bunlardan biri “Azərsığorta” –  Dövlət Sığorta Kommersiya Şirkətidir, adından da göründüyü kimi dövlətə məxsusdur. Qalan 20 sığorta şirkətinin səhmdarları isə 34 fiziki və 27 hüquqi şəxsdir.

 

 

Sığorta

şirkətinin adı

Şirkətin səhmdarları
Fiziki şəxslər Hüquqi şəxslər
1 “A-Qrup Sığorta” Adnayev Sabir Adna oğlu Yoxdur
2 “AXA Mbask Sığorta” Yoxdur Fransanın “AXA” sığorta qrupunun İspaniyadakı törəmə cəmiyyəti – “AXA Seguros Generales, S.A., De Seguros Y Reaseguros”
3 “Atasığorta” Yoxdur “Ata Holdinq”
4 “Atəşgah Həyat Sığorta” Yoxdur “Ran-Eksim” şirkəti
5 “Atəşgah Sığorta” Yoxdur “İSR Holdinq” (63%),

“Ran-Eksim” şirkəti (27%),

SOCAR (10%)

6 “Azsığorta” İsmayılov Hikmət Abuzər oğlu Yoxdur
7 “Azərbaycan Sənaye Sığorta” Yoxdur “Anadolu Investment Company” (75%),

“Azərbaycan Sənaye Bankı” (25%)

8 “Azərsığorta” Yoxdur Yoxdur
9 “Bakı Sığorta” Rəhimov Murad Arif oğlu,

Nəsəfov Behbud Çingiz oğlu

“Bank Respublika”,

“Diamond Motors” şirkəti, “Subaru Azərbaycan” şirkəti, “Yenimotor” şirkəti

10 “Başak İnam Sığorta” Həsənova Səbinə Akif qızı (15,83%), Kərimov Arif Əkbər oğlu (15,21%), Həsənov Orxan Qara oğlu (10,14%), adları açıqlanmayan 14 nəfər (8,1%) “Azər-Türk Bank” (5%), “Turanbank” (7,14%), “Zaminbank” (24,24%), Türkiyənin “Qrupama” anonim şirkəti (14%), “Aqrarkredit” (0,34%)
11 “Günay Sığorta” Şirinova Yeganə Məmməd qızı (71,94%), Məmmədova Xanım Nadir qızı (11,45% “Günaybank” (16,61%)
12 “Meqa Sığorta” Əliyev Rauf Zeynal oğlu (19%),

Əliyev Zeynal Hacıməmməd oğlu (19%),

İsmayılova Nəzakət Zakir qızı (19%), Quliyev Zaur Zakir oğlu (19%), Qurbanov Yaşar Feyzi oğlu (15%), İsmayılov Əli Eldar oğlu (9%)

Yoxdur
13 “PAŞA Həyat Sığorta” Yoxdur “PAŞA Holdinq”
14 “PAŞA Sığorta” Yoxdur “PAŞA Holdinq”
15 “Qala Həyat Sığorta” Mahmudov Nizami Məmməd oğlu (11,43%) “AzRe Təkrarsığorta” şirkəti (88,57%)
16 “Rəvan Sığorta” Yoxdur “Nurgun Group” (holdinq – 49,1%), “Nurgun Motors” şirkəti (42,36%), “NBC Bank” 8,54%)
17 “Standard Insurance” Yoxdur “AB Standard” (holdinq)
18 “Xalq Sığorta” Yoxdur “Ideal Business Сo.” şirkəti (50%), “Yevro Standart” şirkəti (50%)
19 “Qala Sığorta” Yoxdur “AzRe Təkrarsığorta”
20 “İpək Yolu Sığorta” Əsgərova Cəmilə Cahangir qızı (38,7%),

Əsgərova Məlahət Cahangir qızı (38,7%),

“Silk Vey Aviaşirkəti” (19%), AZAL (3,6%)
21 “Amrah Sığorta” İldırımzadə Yunis Əli oğlu (85%), İldırımzadə Əmrah Yunis oğlu (15%) Yoxdur

 

Cədvəldən göründüyü kimi, sığorta bazarında pay sahibi olan hüquqi şəxslər arasında Azərbaycanın 7 kommersiya bankı (“Azərbaycan Sənaye Bankı”, “Bank Respublika”, “Azər-Türk Bank”, “Turanbank”, “Zaminbank”, “Günaybank”, “NBC Bank”) ilə yanaşı, 1 bank olmayan kredit təşkilatı (“Aqrarkredit”), 5 holdinq (“Ata Holdinq”, “İSR Holdinq”, “PAŞA Holdinq”, “Nurgun Group”, “AB Standard”), Dövlət Neft Şirkəti (SOCAR), “Azərbaycan Hava Yolları” şirkəti (AZAL), “AzRe Təkrarsığorta” şirkəti, əlavə olaraq 11 yerli və xarici şirkət var. Bunlardan bəziləri bank sektorunda paya malikdir.

 

Məsələn, “Ataholdinq” “Atabank”ın səhmlərinin 76%-nə, “İSR Holdinq” “Nikoil Bank”ın səhmlərinin 0,19%-nə, “Anadolu Investment Company” “Azərbaycan Sənaye Bankı”nın səhmlərinin 94,25%-nə, “PAŞA Holdinq” “PAŞA Bank”ın səhmlərinin 60%-nə, “Nurgun Group” “NBC Bank”ın səhmlərinin 6,02%-nə, “Yevro Standart” şirkəti isə “Xalq Bank”ın səhmlərinin 33,85%-nə, “Bank Avrasiya”nın səhmlərinin isə 37,5%-nə nəzarət edir.

 

Sığorta şirkətlərinin səhmdarları olan fiziki şəxslər arasında da bank səhmdarları var. Məsələn, “Azsığorta”nın 100%-lik səhmdarı İsmayılov Hikmət Abuzər oğlu “Bank of Baku”nun səhmlərinin 31,11%-nə, “Günay Sığorta”nın 71,94%-lik səhmdarı “Günaybank”ın səhmlərinin 38,94%-nə, “Meqa Sığorta”nın 15%-lik səhmdarı Qurbanov Yaşar Feyzi oğlu “Rabitəbank”ın səhmlərinin 11,34%-nə, “Amrah Sığorta”nın 85%-lik səhmdarı İldırımzadə Yunis Əli oğlu “Amrahbank”ın səhmlərinin 53,16%-nə, şirkətin 15%-lik səhmdarı İldırımzadə Əmrah Yunis oğlu isə “Amrahbank”ın səhmlərinin 0,33%-nə sahibdir.

 

Sığorta bazarında pay sahibi olan fiziki şəxslərin bəziləri sığorta şirkətlərində rəhbər vəzifə tutur. Məsələn, “A-Qrup Sığorta”nın 100%-lik səhmdarı Adnayev Sabir Adna oğlu, “Başak İnam Sığorta”nın 15,21%-lik səhmdarı Kərimov Akif Əkbər oğlu, “Meqa Sığorta”nın 15%-lik səhmdarı Qurbanov Yaşar Feyzi oğlu, “Amrah Sığorta”nın 85%-lim səhmdarı İldırımzadə Yunis Əli oğlu adı çəkilən şirkətlərdə Direktorlar Şurasının sədri vəzifəsindədirlər. Bundan başqa, “Başak İnam Sığorta”nın 10,14%-lik səhmdarı Həsənov Orxan Qara oğlu şirkətin İdarə Heyətinin sədri, “Amrah Sığorta”nın 15%-lik səhmdarları İldırımzadə Əmrah Yunis oğlu isə şirkətin Direktorlar Şurasının üzvüdür.

 

Daha bir maraqlı məqam isə “İpək Yolu Sığorta”da hər biri 38,7%-lik paya malik olan Əsgərova Cəmilə Cahangir qızı və Əsgərova Məlahət Cahangir qızı ilə bağlıdır. Bacı olan bu şəxslər adı çəkilən şirkətin 3,6%-lik səhmdarı – AZAL-ın rəhbəri Cahangir Əsgərovun qızlarıdır.

 

Azərbaycanda təkrarsığorta ilə məşğul olan yeganə şirkət – “AzRe Təkrarsığorta”nın səhmdarları isə 6 fiziki şəxsdir. Amma onların adları açıqlanmır.

 

Qeyd: Yazı sığorta şirkətlərinin və kommersiya banklarının rəsmi internet səhifələrində, həmçinin Məlumatların Elektron Açıqlanması Sistemində yerləşdirilmiş maliyyə hesabatlarından istifadə edilməklə hazırlanıb.

MənbəContact
Son xəbərlər
Digər xəbərlər