“Ötən ilin eyni dövrü ilə müqayisədə bu ilin ilk yarısında girovsuz verilən biznes kreditlərinin məbləğində 1 % artım var. Biznes kreditlərinin bir növü olan mikro kreditlərin isə 36 %-i girovsuz verilib. Bu kreditlər də son 1 ildə 31 % artıb”.
Bunu Azərbaycan Banklar Assosiyasiyasının rəhbəri Zakir Nuriyev deyib.
O əlavə edib ki, iyunun sonuna istehlak kreditlərinin 88 %-i girovsuz təqdim edilib: “Bu kreditlər verildikdə Bakı və regionlar arasında fərq qoyulmur. Burda əsasən borcun gəlirə nisbəti nəzərə alındığına və kreditlər daha çox onlayn rejimdə verildiyinə görə hara verilməsinin əhəmiyyəti yoxdur. Yəni şəxsin yalnız gəlirləri nəzərə alınır”.
