“SpaceX” kod generasiyası sahəsində fəaliyyət göstərən “Cursor” startapını 60 milyard dollara almaq istəyir. Şirkətin məlumatına görə, sövdələşmənin bu ilin sonuna planlaşdırıldığı bildirilir.
“Reuters” yazır ki, alternativ olaraq “SpaceX” süni intellekt startapı ilə tərəfdaşlığın inkişafına 10 milyard dollar yönəldə bilər. Agentliyin qeydinə görə, bu addım “SpaceX”in sahibi İlon Maskın proqramçılar üçün alətlər bazarında mövqeyini gücləndirmək niyyətini göstərir.
Sövdələşmə ilə bağlı açıqlama “SpaceX”in tarixdə ən böyük IPO-ya hazırlığı fonunda verilib. Yaxın aylarda birjada debüt zamanı şirkətin dəyərinin 1,75 trilyon dollara çatacağı, cəlb olunacaq vəsaitin isə təxminən 75 milyard dollar olacağı gözlənilir.
