Dünyanın məşhur internetlə alış-veriş saytı olan “eBay”-da “Lester Siti”klubunun stadiondakı hava satışa çıxarılıb. Havanın 1 litri 30 funt sterlinqə (65 AZN) qiymətləndirilib. “Kinq Pauer”stadiondakı hava şüşə bankalarda təklif edilir.
Elanda deyilir: “Kinq Pauer” stadionunun qidalanma zonasından götürülən təmiz havadan siz də udun. Belə şans həyatda ancaq 1 dəfə olacaq”.
Hərraca 10 banka çıxarılıb. Artıq potensial alıcılar da var.
Anyone want to buy some fresh Leicester City air? pic.twitter.com/qlAoGien9X
— I am Luke. (@MrLukeJohnston) 12 May 2016
İngiltərə çempionatının 36-cı turunda “Lester Siti”in ən yaxın izləyicisi “Tottenhem” “Çelsi” ilə oyunda xal itkisinə məruz qalıb – 2:2. Bunun nəticəsində “Lester Siti”nin londonlularla sona 2 tur qalmış 7 xallıq fərqi yaranıb. 36-cı turdan sonra “Lester”in 77, “Tottenhem”in isə 70 xalı var. “Lester Siti” son iki turun nəticəsindən asılı olmayaraq tarixində ilk dəfə Premyer Liqanın qalibi adını qazanıb.
Qeyri-adi hadisə bir müddət əvvəl Çində də baş verib. Ölkənin paytaxtıPekində içərisində təmiz hava olan balonlar satılmağa başlayıb. Buna səbəb havanın həddən artıq çirklənməsidir. Paytaxt sakinləri Kanadadan gətirilən təmiz oksigenlə dolu balonlar alıb. Balonların qiymətləri həcminə görə dəyişir. Bir balonun qiyməti 46 (69 AZN) dollar olub. Daha kiçik balonların qiyməti isə 20-30 dollar arasında dəyişib.
