Ləğv prosesində olan “Standard Insurance” Sığorta Şirkətinin Ləgvetmə komissiyası tərəfindən şirkətə məxsus rekonstruksiya işlərindən sonra birləşdirilmiş 4 (dörd) mənzil, onların ümumilikdə ilkin satış qiyməti olan 1.500.000 (bir milyon beş yüz min) manatdan 10 % aşağı olmaqla, yəni 1.350.000 (bir milyon üç yüz əlli min ) manata təkrar (növbəlilik qaydasında) açıq hərraca çıxarılmışdır. Təkrar hərrac “Əmlak Hərrac Mərkəzi” MMC tərəfindən 22 oktyabr 2021-ci il tarixində saat 11:00-da Bakı şəhəri, Yasamal rayonu M.Rahim 4A ünvanında keçiriləcək.
Banker.az xəbər verir ki, bu barədə ASC “Standard Insurance”ın ləğvetmə komissiyası bildirib.
Təkrar hərracda iştirak üçün satış qiymətinin 1%-i, yəni 13.500 (on üç min beş yüz) manat məbləğində beh hərracın təyin edildiyi tarixə bir iş günü qalanadək ödənilməlidir.
Hərrac predmetinin ətraflı təsviri aşağıdakı cədvəldə öz əksini tapmışdır:
| Daşınmaz əmlak növü | Ünvanı | Ümumi sahəsi | İlkin hərrac qiyməti
AZN |
Təkrar
hərrac qiyməti AZN |
Beh
AZN |
| Rekonstruksiya işlərindən sonra birləşdirilmiş 4 (dörd) mənzil | Bakı şəhəri, Nəsimi rayonu, Mirzə Ağa Əliyev küçəsi. ev 251, mənzil 20 | 56.6 м² | 1 500 000 | 1.350. 000 | 13.500 |
| Bakı şəhəri, Nəsimi rayonu, Mirzə Ağa Əliyev küç., ev 251, mənzil 49 | 46.5м² | ||||
| Bakı şəhəri, Nəsimi rayonu, Mirzə Ağa Əliyev küçəsi. ev 251, mənzil 50 | 52.7 м² | ||||
| Bakı şəhəri, Nəsimi rayonu, Şəmsi Bədəlbəyli küçəsi. ev 96, mənzil 65 | 114.7 м² |
Hərracla bağlı daha ətraflı məlumatları isə aşağıdakı linkdən əldə etmək münkündür:
https://e-herrac.com/advertisement/dasinmaz-emlak/tekrar-herracin-kecirilmesine-dair
Ləğvetmə komissiyası həmçinin bildirir ki, şirkətin digər əmlaklarının qanunvericiliyə və təsdiq edilmiş hərrac qaydalarına əsasən açıq hərrac yolu ilə satışının təşkili davam edəcəkdir və bu barədə ictimaiyyətə əvvəlcədən məlumat veriləcəkdir.
