16 C
Baku
Thursday, March 28, 2024

Sürücülərə xoş xəbər: icbari sığorta haqqı azaldılır

Yenilik sığortaçıların 56%-ni əhatə edir.

2014-cü ilin yanvar ayının 15-dən etibarən avtomobillərin icbari sığortalıların “Bonus – Malus” sinfi yenilənib.

Bu barədə məlumat İcbari Sığorta Bürosundan (İSB) alınıb.

Məlumatda deyilir ki, 2014-cü ildə sığorta müqaviləsini yeniləyən 106,580 sığortalıya sığorta haqqının 10%-ə qədər, 192,352 sığortalıya sığorta haqqının 5%-ə qədər güzəşt əmsalı tətbiq ediləcək.

Yenilənmə nəticəsində bu il sığortasını təzələyən 298 min 932 avtomobil sahibi üçün sığorta haqqı azalacaq.

Bu ümumi avtomobil sığortaçılarının təqribən 56%-i deməkdir.

Bunlardan 106 580 avtomobil sahibinin icbari sığorta haqqı 10% azalacaq.

192 352 sığortalı üçün isə sığorta haqqı 5% aşağı düşəcək.

Əvəzində, ötən dövr ərzində sığorta hadisəsi törətmiş 7 635 avtomobil sahibi üçün sığorta haqqı artacaq.

229 170 avtomobil sahibi üçün isə “Bonus – Malus” sinfi dəyişməyib.

Məlumatda qeyd olunur ki, son 2 ildə üç və ya daha çox sığorta hadisəsi törədən 22 sığortalıya cari ildə sığorta müqaviləsinin yenilənməsi zamanı sığorta haqqının 3 misli qədər Malus əmsalı tətbiq ediləcək.

Son xəbərlər
Digər xəbərlər