Şuşada 8 km-dən çox şəhərətrafı yaşıl halqa yaradılacaq.
Banker.az xəbər verir ki, bu barədə Dövlət Şəhərsalma və Arxitektura Komitəsinin sədri Anar Quliyev “Facebook” hesabında bildirib.
Anar Quliyev qeyd edib ki, Şuşanın təbii meşə və parkları bərpa olunacaq, yeni yaşıl koridorlar, o cümlədən 8 km-dən çox şəhərətrafı yaşıl halqa yaradılacaq.
Baş plana əsasən, Şuşada 36.2 km yol bərpa, 17.6 km isə yeni yol salınacaq. Bundan başqa Baş plan üzərində iş çərçivəsində şəhərin funksional zonalaşdırılması, buna əsasən nəqliyyat infrastrukturunun yenilənməsi, küçələrin kateqoriyalaşdırılması, ictimai nəqliyyatın təşkili və s. üzrə təkliflər hazırlanıb.