ABŞ-ın keçmiş prezidenti Donald Tramp 2024-cü il prezident seçkilərində qalib gələrsə, vətəndaşlar üçün vergiləri azaltmaq, lakin korporativ vergini 21% səviyyəsində saxlamaq niyyətindədir, bu barədə “Bloomberg” yazıb.
“Bloomberg”in həmsöhbətlərinin fikrincə, bu, cənab Trampın mümkün prezidentliyi dövründə “işçi sinfinə” güvənmək niyyətindən xəbər verə bilər.
Hazırda Donald Tramp Respublikaçılar Partiyasından 2024-cü ildə ABŞ prezidentliyinə namizəddir. O, respublikaçıların praymerizində liderdir (sorğular göstərir ki, Tramp ən yaxın rəqibi Florida qubernatoru Ron DeSantisi 47 faiz qabaqlayır). Milli reytinqlərdə, “CNN”in məlumatına görə, cənab Tramp hazırkı dövlət başçısı və ABŞ Demokratik Partiyasından potensial namizəd Co Baydeni qabaqlayır.
