Respublikaçılar Partiyasından prezidentliyə namizəd Donald Tramp demokrat rəqibi Kamala Harrislə təkrar debatdan imtina etdiyini açıqlayıb. O, debatın keçirilməsinin mənasız olduğunu izah edib, çünki onun fikrincə, xanım Harris ABŞ-nin hazırkı prezidenti Co Baydenin seçdiyi kursu davam etdirmək niyyətindədir.
Donald Tramp və Kamala Harris arasında debatın ilk raundu sentyabrın 10-da baş tutub. CNN/SSRS sorğusuna əsasən, qeydə alınmış seçicilərin 63%-i xanım Harrisin qalib gəldiyini bildirib. Eyni zamanda, cənab Tramp deyib ki, bu, onun “indiyə qədərki ən yaxşı debatı”dır.
Amerikanın 47-ci prezidentinin seçkiləri noyabrın 5-də keçiriləcək. “New York Times”ın hesablamalarına görə, Kamala Harris Trampı 2% qabaqlayır. Nəşrin respondentlərinin təxminən yarısı ona səs verməyə hazır olduğu bildirib.
