-3 C
Baku
Wednesday, February 28, 2024

Türkiyə “bir neçə həftə ərzində” İsveçin NATO-ya üzvlüyünə razılıq verəcək

Ankara yaxın bir neçə həftə ərzində Stokholmun NATO-ya daxil olmaq ərizəsini təsdiqləyə bilər, bu fikri Türkiyənin xarici işlər naziri Hakan Fidan isveçli həmkarı Tobias Billströmlə söhbətində bildirib.

O, İsveçin bir neçə həftə ərzində NATO-ya üzv ola biləcəyini çox açıq şəkildə söyləyib. Tobias Billström əlavə edib ki, bu mövqeyi alqışlayır, lakin reallıqda nələrin baş verəcəyi bəlli deyil.

Türkiyə və Macarıstan hələ də İsveçin müraciətini ratifikasiya etməyən yeganə müttəfiq ölkələr olaraq qalır. Oktyabrın ortalarında NATO-nun baş katibi Yens Stoltenberq İsveçin müraciətini 2023-cü ilin noyabr ayının sonundan gec olmayaraq təsdiq etməyə çağırıb. Lakin Türkiyə daha sonra bunu etməyə vaxtının olmayacağını xəbərdar edib.

Türkiyə prezidenti Rəcəb Tayyib Ərdoğan İsveçin inteqrasiyasını artıq təsdiqləyib. Lakin Türkiyə Böyük Millət Məclisinin Xarici Əlaqələr Komissiyası İsveçin bu mövzuda danışıqların davam etdirilməsi ilə bağlı səsverməni təxirə salıb. Agentlik mənbəyə istinadən yazır ki, müzakirələr noyabrın 28-29-da da davam edəcək.

Son xəbərlər
Digər xəbərlər