Türkiyə yüksək inflyasiya şəraitində birrəqəmli faiz dərəcələrini sabit saxlamaqda davam edir.
Türkiyə Mərkəzi Bankının Pul komitəsi növbəti dəfə bir həftəlik repo faizini (uçot faiz dərəcəsini) 8.5%-də sabit saxlamaqla üçüncü aydır ki, gözləmə mövqeyinə çəkilmiş oldu.
Sonuncu faiz artımı yanvar iclasında olub və faizlər 9.0%-dən 8.5%-ə çəkilib.
2023-cü ilin martında ölkədə orta illik inflyasiya 50.51% təşkil edib.
Qeyd edək ki, TCMB 2021-ci ilin sentyabrından başlayaraq yüksək inflyasiyaya rəğmən iqtisadiyyatı “stimullaşdırma” və eləcə də “yüksək faiz, yüksək inflyasiya” adı ilə uçot faiz dərəcəsini 19%-dən aşağı salıb. Lakin bu milli valyuta lirənin kursu üçün olduqca baha başa gəlib.
USD/TRY cütlüyünün məzənnəsi 2021-ci ilin sentyabrından bu tərəfə 8 lirə səviyyəsindən 19.5 lirə səviyyəsinə qədər artıb. Lirə iri iqtisadiyyatların valyutalarında Argentina pesosu ilə ən çox uculaşma ilə üzləşən valyutadır.
