Bu gün Türkiyənin yerli avtomobili “Togg”un istehsal ediləcəyi zavodun açılışı olub.
Banker.az xəbər verir ki, Bursa şəhərində yerləşən zavodun açılışı Türkiyə Prezident Rəcəb Tayyib Ərdoğanın iştirakı ilə baş tutub.
Prezident təqdimat tədbirində sözlərinə Mustafa Kamal Atatürkü yad edərək başlayıb.
Bildirib ki, biz “Tayfun” istehsalına başlayan kimi yunan televiziya kanallarında gündəm oldu. Dayanın hələ, bunun ardı gələcək. Siz də deyəcəksiniz ki, “türkler çıldırmış olmalı”.
Qeyd edək ki, 2023-cü ilin sonunadək 25 minədək avtomobil istehsal edilməsi planlaşdırılır. Avtomobilin 2023-cü ilin əvvəlindən satışa çıxarılacağı gözlənilir.
2030-cu ilə qədər isə 1 milyon ədədə qədər avtomobil istehsal edilməsi planlaşdırılır.
