Amerikanın mikrobloq xidməti olan “Twitter” bütün istifadəçilər üçün izləyicini oxucu siyahısından silmək funksiyasını işə salıb. Banker.az xəbər verir ki, bu barədə şirkətin mətbuat xidməti məlumat yayıb.
“İzləyiciləri silmək funksiyası artıq bütün istifadəçilər üçün əlçatandır”, – deyə mesajda bildirilir. Şirkət əlavə olaraq qeyd edib ki, izləyicini sildikdə siyahıdan çıxarılan istifadəçiyə bu barədə bildiriş gəlməyəcək.
Yeni funksiya sentyabr ayında sınaqdan keçirilməyə başlamışdı, oktyabr ayında isə istifadəçilərə daha çox məxfilik təqdim etmək üçün istifadəyə verilmişdi. Əvvəllər hər hansı bir şəxsi oxucu siyahısından çıxarmaq üçün onun hesabını qara siyahıya salmaq, sonra isə oradan silmək lazım idi.
