Repçi Jay-Z (əsl adı Şon Kori Karter) və “Twitter”in qurucusu Cek Dorsi bitkoinin inkişaf etdirilməsi ilə məşğul olan fonda 23.6 milyon dollar bağışlayacaqlar.
Banker.az bu barədə “RBK”ya istinadən xəbər verir.
Hal-hazırda investorlar tərtibatçılar axtarırlar. Verilən məlumata görə, əsasən Hindistan və Afrikadan olan komandalara üstünlük veriləcək. Bununla yanaşı, Dorsi yeni fond üçün üzvlər axtarır və “Twitter”də bu vəzifəyə müraciət tələblərini yerləşdirib. Anketdə mütəxəssislərin əsas vəzifəsi bitkoini valyutaya çevirmək olacağı göstərilir.
Xatırladaq ki, Cek Dorsiyə məxsus olan “Squre” şirkəti indiyədək bitkoinə 50 milyon dollar sərmayə qoyub. Son bir ildə bitkoinin populyarlığı bir neçə dəfə artıb. Nəticədə böyük şirkətlər də kriptovalyutaya maraq göstərməyə başlayıb.
Fevralın 12-də bitkoinin dəyəri 47.6 min dollar təşkil edib. Xatırladaq ki, daha əvvəl rəqəmsal valyuta tarixi maksimumunu yeniləyərək 49 min dollara çatmışdır.
