Ukraynada “Bayraktar” pilotsuz uçuş aparatları istehsal oluna bilər.
Xəbər verdiyimiz kimi sentyabrın 29-da Ukraynanın Müdafiə Nazirliyi və Türkiyənin Bayraktar Savunma Şirkəti pilotsuz uçuş aparatının istehsalı məqsədilə Kiyevdə təlim və sınaq mərkəzinin inşası ilə bağlı memorandum imzalayıb.
Bu gün isə, Ukraynanın xarici işlər naziri Dmitri Kuleba türkiyəli həmkarı Mövlud Çavuşoğlu ilə görüşərək, “Bayraktar” istehsalı məsələsini müzakirə edib.
Görüşdən sonra keçirdikləri mətbuat konfransında D. Kuleba deyib ki, Türkiyə “Bayraktar” pilotsuz aparatlarının istehsalı üçün “Antonov” müəssisəsinin imkanları ilə maraqlanır.
