“Azərbaycan İnvestisiya Şirkəti” ASC-nin icraçı direktoru vəzifəsi Ülvi Mansurova həvalə edilib.
Banker.az xəbər verir ki, bununla bağlı İqtisadiyyat Naziri Mikayıl Cabbarov əmr imzalayıb.
Bundan öncə bu vəzifəni Allahverdi Paşayev tuturdu.
Ülvi Mansurov 2012-2015-ci illərdə Britanıyanın Uorvik Universitetində təhsil alıb, “Warwick Business School” proqramının məzunudur. İqtisadiyyat üzrə fəlsəfə doktorudur. O, “Bank Technique” İdarə Heyətinin sədri, Azərbaycan Beynəlxalq Bankının İdarə Heyəti sədr müavini, “Azərpoçt” MMC-nin baş direktoru vəzifələrində çalışıb. Son təyinatına qədər isə İqtisadiyyat Nazirliyi yanında Dövlət Vergi Xidmətinin Rəqəmsal vergi inzibatçılığı Baş İdarəsinin rəisi vəzifəsində fəaliyyət göstərib.
