Azərbaycan əsilli rusiyalı iş adamı, milyarder Vahid Ələkbərov məşhur “Yandex” şirkətinin nəzarət paketini almaq istəyir.
Banker.az bu barədə “Bloomberg”ə istinadən xəbər verir ki, “Yandex”in direktorlar şurası gələn həftə internet şirkətinin səhmlərinin azı 51%-ni almaq məqsədilə ərizəçilərin müraciətlərini müzakirə etmək üçün toplaşacaq.
Agentliyin məlumatına görə, belə bir paketin dəyəri 7 milyard dollar qiymətləndirilir.
Bildirilir ki, “Yandex”ə milyarderlər Vladimir Potanin və Vahid Ələkbərovdan şirkətin nəzarət paketini almaq barədə təklif daxil olub.
