2022-ci ilin yanvar-oktyabr aylarında Dövlət Vergi Xidmətinin xəttilə dövlət büdcəsinə 13 milyard 998 milyon 858.7 min manat vergi daxil olub.
Banker.az Dövlət Xidmətinə istinadən xəbər verir ki, ötən ilin müvafiq dövrü ilə müqayisədə vergi daxilolmaları 90.1% və ya 6.6 milyard manatdan çox artıb.
Qeyri-neft-qaz sektorundan daxilolmalar 7 milyard 38 milyon 211.5 min manat olub, bu da ötən ilin müvafiq dövrü ilə müqayisədə 30.8% və ya 1.6 milyard manat çoxdur.
