Bank kartlarına xidmət göstərən və dünyanın ən böyük iki şirkətindən biri olan “Visa”nın xalis mənfəəti 2019-2020 maliyyə ilinin ilk doqquz ayında 3,6% azalaraq 8,729 milyard dollara çatıb.
Banker.az bu barədə xarici KİV-ə istinadən xəbər verir.
Bildirildiyi kimi, bir səhmin qiyməti 3,92 dollar təşkil edib (keçən il bu göstərici 3,97 dollar olmuşdur). Göstərilən dövrdə “Visa”nın gəlirləri 1%-dən az azalaraq 16,745 milyard dollar təşkil edib.
Üçüncü rübdə “Visa”nın xalis mənfəəti 23,4% azalaraq 2,373 milyard dollara çatıb. Bir səhmin qiyməti 1,07 dollar təşkil edib (keçən il bu göstərici 1,37 dollar olmuşdur). Gəlir 17% azalaraq 4,837 milyard dollara olub.
Şirkət qeyd edir ki, Covid-19 koronavirus pandemiyasının yayılması iqtisadiyyatda ciddi qeyri-müəyyənlik yaradıb. Bununla əlaqədar olaraq, “Visa” bütün maliyyə ilinin proqnozunu təqdim etmir.
