Pul köçürmələri üzrə dünya lideri olan Western Union mühacirlər arasında populyar olan ölkələrdə tarifləri əhəmiyyətli dərəcədə endirəcək.
Tarif siyasətinin dəyişməsi bir sıra MDB ölkələri və Türkiyəyə də şamil ediləcək. Ən çox isə Rusiyadan Özbəkistan, Tacikistan və Qırğızıstana edilən pul köçürmələri zaman tutulan komissiya haqqı azaldılacaq.
MDB ölkələrinə edilən köçürmə tarifləri 17 sentyabr tarixindən endiriləcək. Western Union bu haqda partnyorlarını keçən həftənin sonunda məlumatlandırmışdı. Tariflərin endirilməsi şirkətdə marketinq aksiyası adlandırılır və 2015-ci ilin sonuna qədər davam edəcək.
