“Xiaomi” uşaqlar üçün yeni “ağıllı” saat təqdim edib.
Banker.az xəbər verir ki, “Mi Rabbit Children’s Learning Watch 5 Pro” adını almış bu cihaz şirkətin balaca müştərilərinə yönəlmiş bütün məhsulları özündə birləşdirir.
Yenilik kifayət qədər geniş funksionallıq təklif edir ki, bu da cihazın 205 ABŞ dollar qiymətini izah edir.
“Mi Rabbit Children’s Learning Watch 5 Pro” 1.78 düymlük dördbucaqlı ekran, 1 GB operativ yaddaş və 8 GB daxili yaddaş, o cümlədən 5 MP kamera ilə təchiz edilib. Qeyd edək ki, saat həm də GPS və NGC texnologiyalarını dəstəkləyir.
Hələki “Mi Rabbit Children’s Learning Watch 5 Pro” cihazını yalnız Çində əldə etmək mümkündür. Onun qlobal bazara çıxacağı ilə bağlı heç bir məlumat yoxdur.
